|
| |
| |
 |
Bank xəbərləri |
|
 «Bank of Azerbaijan» ISO 9001:2008 beynəlxalq keyfiyyət sertifikatı alıb (Bank of Azerbaijan)
22 yanvar 2010
|
«Bank of Azerbaijan», «Moody International» beynəlxalq şirkəti tərəfindən keçirilən ISO 9001:2008 keyfiyyətə görə menecment sisteminin sertifikat auditini uğurla keçdi.
Bu sertifikatın alınması «Bank of Azerbaijan»-da idarəetmənin ən yüksək beynəlxalq standartlara tam cavab verdiyininin göstəricisidir. Qeyd etmək lazımdır ki, «Bank of Azerbaijan» ölkə bankları arasında «Moody International»-dan ISO 9001:2008 beynəlxalq keyfiyyət sertifikatına layiq görülmüş ilk bankdır.
Onu da qeyd etmək lazımdır ki, ISO 9001:2008 standartı ISO beynəlxalq təşkilatı tərəfindən 2008-ci ilin noyabrında təqdim edilmişdir. ISO 9000 keyfiyyət sertifikatı menecment sisteminin dünyanın ən nüfuzlu 9000 seriyalı ISO standartlarına uyğunluğunun sənədli təsdiqidir. 9000 seriyasından ən əsas ISO standartı ISO 9001:2008 hesab edilir.
Xatırladaq ki, 2006-cı ildə «Bank of Azerbaijan» ISO 9001:2000 beynəlxalq sertifikatına uyğun fəaliyyət göstərdiyi üçün həmin sertifikata layiq görülmüşdür.
«2009-cu ildən etibarən «Bank of Azerbaijan»-da, onun ölkənin maliyə sektorunun liderlərindən birinə çevrilməsi istiqamətində ciddi işlər aparılır. Bu işdə ən mühüm rol oynayan əsas məqamlardan biri də struktur və kadr dəyişikliklərin aparılmasıdır. Hal-hazırda tam əminliklə bəyan etmək olar ki, biz doğru yoldayıq. ISO 9001:2008 beynəlxalq keyfiyyət sertifikatına layiq görülməyimiz bunun bariz nümunəsidir», - deyə, «Bank of Azerbaijan»-ın İdarə Heyətinin Sədri Xəyal Şərif-zadə bildirdi.
Qeyd edək ki, artıq 2011-ci ilin sonunadək «Bank of Azerbaijan» öz aktivlərinin həcminə görə ölkənin 10 aparıcı Bankları sırasına daxil olmaq niyyətindədir. Hal-hazırda «Bank of Azerbaijan»-ın ümumi aktivlərinin həcmi 144 milyon manatdan çoxdur, nizamnamə kapitalı isə 15 milyon manat təşkil edir. 2010-cu il ərzində «Bank of Azerbaijan»-ın nizamnamə kapitalı 25 milyon manatadək artacaq.
|
|
|
|
Geri...
|
|
|
|
|
| |
 |
Valyuta kursları |
|
|
|
|
|
|
Hansı kredit məhsulu haqda məlumat sizin üçün daha maraqlıdır?
|
|
|
